नागपूर जिल्हातील पारशिवनी कृषी उत्पन्न बाजार समितीची स्थापना दि. 19/12/1986 रोजी झाली. समिती हि रामटेक बाजार समिती मधून मा. जिल्हा उपनिबंधक साहेब, सहकारी संस्था, नागपूर यांचे आदेश क्रमांक एम.के.टी/ए.पी.एम.सी./21080/ दिनांक 19/12/1986 चे आदेशान्वये विभाजीत झाल्याने समितीची स्थापना झाली. महाराष्ट्र कृषि उत्पन्न खरेदी विक्री (नियमन) अधिनियम 1963 व अंतर्गत तयार करण्यात आलेले नियम 1967 नुसार बाजार समितीचे कामकाज चालू आहे. प्रत्यक्ष कारभार दिनांक 01/04/1987 पासून सुरु झालेला आहे.

बाजार समितीची स्थापना सन 1986-87 ला रामटेक कृषी उत्पन्न बाजार समिती मधून विभाजीत होवून पारशिवनी तालुक्या करिता एक स्वतंत्र बाजार समिती निर्माण झालेली आहे. त्यावेळी समितीचे कार्यालयासाठी मकान किरायाने घेऊन व धान्य बाजाराकरिता किरायाने जागाा घेवून समितीच्या नियंत्रणाखाली धान्य बाजार सुरु केला. विशेषत: जागे अभावी बराचश्या कापसाच्या गाडयांना तर सडकेच्या बाजूने रांगा लावून बैलाचे खांद्यावर सतत उभ्या ठेवून तासनतास पुढे सरकत जावे लागे.

तेव्हा बाजार आवार विकासा साठी सन 1997 ला स्वत:च्या मालकीची एकूण आराजी 1.73 हे आर जागा विकत घेतली. सन 2002-2003 मध्ये एक लिलाव शेड बांधकाम करण्यात आले व सन 2013-14 या वर्षात नव्याने एक लिलाव शेड व वॉल कंम्पाऊंड बांधकाम करण्यात आलेले आहे. सन 2004 -2005 मध्ये 250 मे.टन गोदाम बांधकाम करण्यात आले. तसेच सन 2022-23 या वर्षात राष्ट्रीय कृषी विकास योजनेअंतर्गत समितीमध्ये 1000 मॅट्रीक टन क्षमतेचे गोदाम बांधकाम केलेले आहे. या गोदामामध्ये शेतक-यांचे मालाला योग्य भाव मिळवून देण्याचे दृष्टीने शेतमाल तारण योजना राबविण्याचे हेतुने प्रयत्नशिल आहे.